monumenta.ch > Hieronymus > bnf9389.145 > sectio 183 > bnf11947.141 v > {f} > sectio 62 > bsbClm6224.152 > sectio 221 > sectio 5 > sectio 572 > csg457.149 > sectio 532 > uwbM.p.th.q.1a.51 > 45 > sectio 218 > bsbClm6224.154 > sectio 55 > sectio 466 > sectio 261 > 66 > csg457.141 > 37 > 41 > sectio 473 > {g} > sectio 120 > 3 > 23 > sectio 8 > 19
Beda, De Natura Rerum, XVIII. De lacteo circulo. <<<     >>> XX. De natura et situ lunae.

Beda Venerabilis, De Natura Rerum, CAPUT XIX. De cursu et magnitudine solis. [

BRIDEF. RAM. GLOSSAE.---Solis ignem dicunt aqua nutriri. Dicunt poetae solem diurno cursu fatigatum in Oceano mare mergi, ibique tota nocte morari, donec mane quasi reparatus et refectus clarior appareat. Post pluvias etiam splendidius lumen emittere videtur.---Propterea infinitus Oceanus sub aequinoctiali circulo est positus naturaliter, ut solem semper in aequinoctiali circulo, aut proxime hinc inde currentem, aquarum copia enutriret et pasceret, nimiumque fervorem compesceret gelida aquarum natura.

Multoque hunc luna ampliorem. Corpus solis triplo quantitatem lunae superare dicunt, lunam vero maiorem terra: unde a quibusdam quaeritur quare terra obscurare dicatur lunam, si triplo maior est, cum umbram ipsius incidit, vel etiam ad devexiores partes illius descendit. Quod illa ratione contingit quia affirmatur umbram triplo maiorem esse suo corpore.

Cursu variante. Dicunt etiam solem per se moveri, non cum mundo vergi. Si enim sol in coelo fixus maneret sicut stellae, omnes dies et noctes aequales essent.

Aeris temperiem. Cum enim sol ad Cancrum ab aequinoctiali parte conscendit, aestatem praestat hominibus, qui sunt inter solstitialem et septentrionalem plagam: cum autem ab eodem Cancro in aequinoctialem libram descendit, autumnum facit. Cum vero ad brumalem lineam recedit, hiems habetur, propterea quia calore demoto torpor invadit. Rursus cum a Capricorno hiemali in aequinoctialem Arietem surgit, vernum tempus arridet, apparens hinc denuo in Cancro aestas torrida renovatur.

Alia calor, etc. Verbi gratia: Si semper esset sol in austro, terra eius calore exureretur, et Scythia frigore fatisceret. Propterea enim Deus soli diversos cursus instituit, et loca et tempora, ne dum semper in iisdem moraretur locis, quotidiano vapore citius consumeretur.

]

1 Solis ignem dicunt aqua nutriri, multoque hunc luna ampliorem; lunam vero terra esse maiorem, unde et cunctis [A, eiusdem.] unius magnitudinis apparet. Quod enim nobis quasi cubitalis videtur, nimiae celsitudinis, distantia facit; alioqui maior oriens Indis, et maior Britannis apparet occidens, qui dum natura sit igneus, motu quoque nimio calorem adauget.
2 Hic cursu variante dies et menses, tempora dividit et annos, [A, B, C, aerisque] aeris temperiem accedendo vel recedendo pro temporum ratione dispensat, ne si semper in iisdem moraretur locis, alia calor, alia frigus absumeret.
Beda Venerabilis HOME

bav1449.227 bnf1615.265 bnf8671.61 bnf11130.75 bnf13013.43 csg248.86 csg250.131 csg251.38

© 2006 - 2024 Monumenta Informatik